Mang Darman
Mang Darman urang sadang serang
- Mang Darman urang sadang serang
- Geus tujuh taun dagang jeruk di tanggung
- Teu tangtu dimana mangkalna
- Nu penting mah
- Asal rame wae tempatna
- Lamun kudu nyarita mah nya tangtu cape
- Nanggung jeruk unggal poe
- Indit isuk balik sore
- Bari bati teu sapira
- Ngan nya kudu dikumaha
- Dangan sakitu kanyataanana
- Komo deui mang Darman teh boga anak
- Nu masih di S D keneh
- Kaperluana teh loba kacida
- Da geuning ayeuna mah
- Sakola teh sagala duit waduk
- Ongkoh wajib belajar
- Nya wajib mah tinggal wajib
- Tapi ari keur nu sangsara mah
- Angger weh sesek napas
- Nya mang Ginanjar
- Kungsi hiji waktu budakna mang Darman
- Teu menang asup sakola
- Kulantaran tilu bulan can mayar S P P
- Mang Darman bati ngahelas
- Da rek dikumaha deui
- Puguh hirup sakitu-kituna
- Komo kapan dagang jeruk mah teu tangtu
- Hayang beak satanggungan teh
- Bisa sapoe bisa sabulan
- Nya ku sabab euweh deui jalan
- Kapaksa mang Darman nginjem
- Ngijemna kasaha deui
- Mun lain ka tukang renten
- Da geus puguh
- Ari tatangganamah sarua wae
- Imah nu sagede kandang monyet teh
- Suratna di borehkeun
- Nya tong reuwas
- Lamun waktu malikeun
- Leuwihna ditangtukeun
- Sakitu persen na
- Da geus puguh ari tukang
- Renten mah ti baheula oge
- Leuwih edan batan ucing garong
- Leuwih edan batan ucing garong
- Karunya teuing mang Darman
- Eukeur mah hirup ka pencet
- Aya nu nambah ngagencet
- Mangga uyuhan teu pejet oge
- Ti saprak loba hutang
- Mang Darman leuwih getol karna dagangna
- Unggal poe udar-ider
- Susuganan jeruk beak
- Aya bati rada leuwih
- Rek di pake nyicil hutang
- Dasar jalma mun keur sial
- Sagala ge matak oah
- Keur nagog di hiji jalan
- Jeruk acan payu-payu acan
- Kurunyung rombongan tibum
- Mang Darman katewak
- Tuluy tanggunganana
- Di angkut kana truk
- Mang Darman bati gogodeg
- Basa nampa kaputusan
- Yen tanggungan jeng jerukna
- Kudu di tebus sakitueun weureu
- Opat poe ti harita
- Mang Darman niat rek nebus
- Da kabeneran aya keneh duit sesa
- Panginjeuman ti ucing garong tea
- Sing horeng gening sing horeng
- Ngan tinggal tanggunganana
- Jerukna teuing kamana
- Duka di legleug ku saha
- Hmm mang Darman tong kaget
- Mang Darman
- Hirup mah heuheuy jeung deudeuh
- Mun keur seuri cape seuri
- Mun keur ceurik cape ceurik
- Tong kaget mang Darman
- Bangsa urang mah rea nu aneh
- Ka handap ngagalaksak
- Ka luhur leletak
- Tong pipilueun urang mah mang Darman
- Bae da dodojamah biasa
- Ceuk kolot-kolot urang tea mah
- Hirup pinuh dodoja teh
- Lir ibarat leumpang nanyak
- Engke mun geus ka puncak
- Sok manggih pamandangan enak
- Sugan weh atuh mang Darman
- Surat imah sugan ka tebus deui
- Tanggungan mah
- Nya tarimakeun weh mang Darman
- Da loba pisan jelema beuki jeruk teh
- Tibum ge meureun beukieun kana jeruk mah
- Da jelema eta oge
- Atuh sugan isuk pageto
- Hirup urang jadi ca'ang deui mang Darman
- Da urang mah ukur ikhtiar
- Hasil henteunamah urang
- Sanggakeun weh kanu kagungan
- Sing sabar mang Darman
- Tong jadi dendam
- Tong jadi kiruh hate
- Bisi hirup beuki hese
- Tong jadi kiruh hate
- Bisi hirup beuki hese
Bình luận 4
😁💙 🕶️Hai!!! 🕶️😜😜😜🙋♂️
hai juga
🌷🌹👏🧡 mantuuul 🕶️💝💝💝💚
makasih