ลำนำอีสาน
ได้ยินเสียงฟ้าฮ้อง เอ้อ เออ
- ได้ยินเสียงฟ้าฮ้อง เอ้อ เออ
- ข้ามภูพานมาฮืนฮืน ฟังเสียงฝนสะอื้น
- ฟังเสียงลมพัดอู้ ปานเสียงชู้
- ฮ้องสั่งแฟน ฮ้องสั่งแฟน อือ เอย ละนา
- แดนแผ่นดินอีสานอยู่ยั่งยืนนาน
- แต่กาลก่อนมา แม่โขงกอดแคว้นไทเฮา
- ตูข่อยตูเจ้า ลุงป้าน้าอา
- พริกเฮือนเหนือล่ะอันว่าเกลือเฮือนใต้
- พึ่งพาอาศัยละข้าวน้ำซ่ามปลา
- ข้าวน้ำ ล่ะข้าวน้ำซ่ามปลา
- ม่วนซื่นโฮแซว แม่นแล้วอีสาน
- ถึงดินกันดาร แห้งโหยโรยรา
- แต่ใจของคน บ่หม่นบ่หมอง
- ตุ้มอ้ายตุ้มน้อง พิลึกปึกหนา
- น้ำอกน้ำใจล่ะแขกไปไทยมา
- ต้อนรับเหมือนว่าล่ะเป็นพี่น้องซุมแซง
- พี่น้องล่ะพี่น้องซุมแซง
- จากเทือกเขาไกลไหลมาบ่สูญ
- คือสายน้ำมูล บ่เคยเหือดแห้ง
- น้ำชี น้ำปาว น้ำพอง น้ำเลย
- น้ำก่ำแม่เอ้ย ชุ่มเย็นทุกแห่ง
- เสียงแคนเสียงซอล่ะอ่อนอออีอ๋อย
- อ้อยอิ่งสำออยฟังแล้วมีแฮง
- ดอกดู่ดอกจานล่ะบานเบ่งยวนเย้า
- ดอกกากะเลาล่ะดอกซาดสะแบง
- บ้านเฮาเมืองเฮาแต่เก่าแต่ก่อน
- เป็นตาออนซอนอยู่ดีมีแฮง
- โอ้ย แต่มาบัดนี้ ปล้นจี้กันหลาย
- ข้าวของวัวควายล่ะบ่ได้ปล่อยจากแล่ง
- เป็นจั่งใด๋น้ออีพ่ออีแม่
- หากินร่อแร่ละขาดข้าวขาดแกง
- เสียงลำกะบ่แน่น เสียงแคนกะบ่หวาน
- ลำนำอีสานละแห้งโหยโรยแรง
- ฟังเสียงเพลงนี้จงอยู่ดีมีแฮง
- ชื่นบานทุกแห่งเถิดพี่น้องหมู่เฮา
- พี่น้องล่ะพี่น้องหมู่เฮา
- พี่น้องล่ะพี่น้องหมู่เฮา
มาฟังเพลงเดี่ยวของฉันเถอะ!
25 10 3061
Ngày hôm qua 15:40 OPPOCPH1931
Bình luận 10
ว้าวๆๆๆ
ขอบคุณมากๆจ้า
🎸 🍭🍭🍭🍭🍭🤘ป๊าดดดดด 🎼 😘🎸
ขอขอบคุณมากมายนะคะที่เข้ามารับฟัง
เพราะจ้ามาส่งกำลังใจจ้าเยี่ยมมากจ้า 🙏👍👍👍👍👍👍👍🎧💞💞💞💞
ขอบคุณมากๆนะพานุช
ชื่นชมครับ บ่าวดาวมาส่งกำลังใจให้เด้อ มีความสุขหลายๆเด้อ ยินดีเสมอครับผม
ขอบคุณหลายๆจ้ากำลังใจที่ส่งมาให้
เพราะมากครับผม
ขอบคุณมากๆนะคะ
