عيال حارتنا
ألا ليت الزمن يرجع ورا وإلا الليالي تدور
- ألا ليت الزمن يرجع ورا وإلا الليالي تدور
- ويرجع وقتنا الأول وننعم في بساطتنا
- زمان أول أحس انه زمانٍ فيه صدق شعور
- نحب ونخلص النية وتجمعنا محبتنا
- زمن ما فيه لا غيبة ولا حتى نفاق وزور
- يا ليته بس لو يرجع ونسترجع طفولتنا
- صغار قلوبنا بيضا نعيش بعالم محصور
- ولا نعرف أبد أغراب ما غير عيال حارتنا
- صحيح صغار بالتفكير لكن ما علينا قصور
- نخطط نكسر اللعبة وتسعدنا شقاوتنا
- نروح المدرسة بدري ونضحك داخل الطابور
- نحاول نزعج العالم في روحتنا وجيتنا
- وعشان نأخر الحصة نخبي علبة الطبشور
- نشاغب بس في الآخر تميزنا براءتنا
- نحب الضحك والهيصة نحب ننط فوق السور
- نفرفش ليه ما نفرفش ما دام الضحك عادتنا
- ولكن دارت الأيام وبان الخافي والمستور
- وصار الهم متعلق على قمة سعادتنا
- كبرنا وصارت الدنيا تصف أحزاننا بالدور
- وتهدينا الألم والهم غصب عن عين رغبتنا
- تعبنا من بلاوينا أحد ضيّق وأحد مقهور
- وكلٍ غارق بهمه وفي الآخر تشتتنا
- وأنا ما أقول غير إلا يا ليت إن الزمان يدور
- ويرجع للوراء فترة نعدل وضع عيشتنا
- ألا ليت الزمن يرجع ورا وإلا الليالي تدور
- ويرجع وقتنا الأول وننعم في بساطتنا
Komen 5
رووعاتك فنان ☺️🔥💥
أستمر في العودة إلى هذا التسجيل
مساء الخير!
يغني رائع برافو!!!!🎉🤗😘🎤 🤩
😚😚😚😚