ของแซ่บอีสาน
มาพี่มา น้องสิพาไปอยู่อิสาน
- มาพี่มา น้องสิพาไปอยู่อิสาน
- ไปกิน แกงเห็ดละโงก
- ซดน้ำโก้กๆ
- ละดอกตูมดอกบาน
- อิสานบ่อึดแนวกิน
- มีผักอีฮีนละผักกุ่มผักหวาน
- บ่เชื่อให้นั่งรถผ่าน
- สิเห็นอิสานอุดมสมบูรณ์
- สิเห็นเห็ดปลวกเห็ดไค
- ดอกบักใหญ่เกิดขาวจูนพูน
- กุดจี่และแมงกินูน
- มันบินวุ่น
- ละแส่วหน้าแส่วหลัง
- เห็ดเผาะและเห็ดหำฟาน
- ดอกบ่บานคือเห็ดตะปู๊
- ยามเกิดละดินแตกผู้ยู้
- เกิดเคียงคู่
- ละขอนเห็ดกระด้าง
- จำพวกเห็ดแฮดเห็ดห่า
- เกิดตามนาขาวงามสะพรั่ง
- บ่ต้องซื้อให้เสียสตางค์
- เก็บเลาะทางยามไปไร่นา
- โกบเขียดละเต้นอยู่โคบๆ
- ร้องโอ้บๆยามฝนตกมา
- ปลาบ้อนอยู่กลางไฮ่นา
- เอาแหฮ้าวมาติดทั้งปลาทั้งปู
- บักหอยกะติดมานำ
- พร้อมกับแมงละงำ
- ละแมงดาละหลายคู่
- กะปอมแย้ก็แยะหน้าดู
- วิ่งลงฮูละซวดๆยามแลง
- ผักติ้วส้มจิ้วขนลุก
- แกงใส่ปลาดุกกินแล้วมีแฮง
- แกงบอนใส่ใข่มดแดง
- ผักกะแยงกินกับก้อยปลา
- ผักตำนินละลวกกินกับป่น
- ผักกะโดนกินกับป่นปลา
- ผักกะเดากินกับลาบวัว
- ผักลืมผัวก็แซบเข้าท่า
- ซุ๊บหน่อไม้กับผักกาดยา
- ส่วนผักขาให้แกงใส่กัน
- ผักแว่นคู่ซุบบักเขือ
- แซบเอาเหลือน่าอัศจรรย์
- ส้มผักเสี่ยนละยิ่งกินยิ่งมัน
- ลาบเทานั้นยิ่งมันยิ่งกิน
- อ่อมหอยใส่ผักอีเลิด
- ผักอีเลิดเกิดอยู่ตามดิน
- ตำบักหุ่งกับผักกะถิน
- หากไผได้กิน
- สิฮ้องหวาแซบหลาย
- ลาบไก่ต้องใส่ข้าวคั่ว
- ต้มน้องวัวใส่หัวสิงไค
- แจ่วเพี้ยอยากให้แซบถึงใจ
- ต้องหั่นเครื่องใน
- เหล้าขาวจังแม่นแนว
- ดอกะเจียวละเขียวแดงเต็มป่า
- เก็บเอามาลวกกินกับแจ่ว
- ปลาแดกบองของแซบอีกแนว
- หากไผกินแล้วจกแอวกะบ่ติง
- หมกฮวกกะแซบบ่ค่อย
- อีกส้มปลาน้อยแซบหลายถืกคิง
- อีสานอาหารดียิ่ง
- รับรองมานี้ออกจากหินๆ
- มาพี่มา
- น้องจะพาไปสุขชีวิน
- มารักไปดูสิ
- รับรองนะพี่จะไม่เล่นลิ้น
- ลองไปกับน้องลองดู
- อายสิหนูละเดียวอยู่แนวกิน
- หากเชื่อแล้วพอสักพิน
- สิพาไปกินละของแซบอีสาน
มาฟังเพลงคู่ของเราดีกว่า!
4 1 4666
Hari Ini 10:47 vivoV2126
Komentar 1
หวัดดีคร้าบพี่สาว🥰🥰🥰🥰🥰🥰🥰🥰🙏🙏🙏เพราะๆไปทั่วอีสานเลยคร้าบผม🌺🌺🌺🌺🌺🌺มาวนเด้ๆๆๆๆๆๆอึ้ยๆๆๆๆ
