ลำล่อง ฟ้าสั่งน้อง
ล่ะเดือนเอ๋ย เดือนสิบเอ็ดต้อง
- ล่ะเดือนเอ๋ย เดือนสิบเอ็ดต้อง
- เดือนสิบสองหัวลมหย่าว
- หนาวในๆคึดฮอดซู้
- โอ๊ยยามสิเข้าแต่บ่อนนอน
- โอ้ย โอ่ โอ้ย ละนา
- ล่ะฮึดๆฟ้าสั่งน้อง
- ก้องสนั่นกันยาฯ
- ปูปลาหวนหาวังอั่งออซอต้อน
- อาวรณ์ฝนเบิดแล้วคือลมสิมาไล่
- ข้าวไฮ่เหลืองแล้วเนิ่งลมต้องอ่วยหัน
- ตกมาหว่างนี่นั่นฝนสั่งผืนดิน
- ทิศทักษิณรองรับว่าฝนสิลงใต้
- สังหรณ์ใจเหลือล้นบัดฝนลาฟ้าสั่ง
- นั่งเบิ่งก้อนขี้ฝ่าคือซู้สิสั่งควม
- รวมแล้วควมรักนี้กะคือดั่งสายฝน
- ฝนชะโลมผืนดินหมู่คณาแนวไม้
- ไปตามวันตามมื้อถึงคราวกะต้องจาก
- คนเฮาฝากรักไว้กะมีมื้อสั่งลา
- อุกยามคิดฮอดหน้าควมพี่เคยเสนอ
- เจอยามใด๋คือกัน ว่าบ่ไลลืมน้อง
- น้ำเต็มหนองเต็มห้วยสวยมา
- น้ำแตกแก่ง คึดฮอดเพิ่นแฮงๆ
- เงยหน้าขึ้นเบิ่งฟ้าน้ำตา
- เปื้อนแข่งฝน
- คิดง้อหลายหลื่นล้น
- บัดทิดแต่งดองหนี
- ฝนเคยมีแล้วหมดไป
- แม่นหนาวสิมาเท่า
- สิบเอ็ดเพ็งโหมเฮ้า
- กระถินบ้านกอก่าย
- ปีกลายยังแม่นเจ้าพาน้องเที่ยวบุญ
- หมอลำซิ่งลำบ้านพุ่น
- หมอลำหมู่ลำบ้านผี้
- ยังข้ามท่งเทียวหา
- ปีนี้มาย่านแต่เย็นวอยๆ วอยๆ
- นั่งหงอยบ่มีเพื่อน
- เหมือนดั่งตาลปลายด้วน
- กุดเสียบ่มียอด
- ควมเจริญก้าวหน้า
- พอได้แต่ประทัง
- ลมพัดมาแต่ละครั้ง
- ทวีถั่งให้ฝนโปรย
- หัวใจโอยโอ๊ยครางปาง
- กระสันคนิงเจ้า
- สายลมเอาเมโฆเคลื่อน
- สัญญาเตือนฟ้าฮ้องสั่ง
- คิดฮอดเด้ควมหลัง
- เหลืออดีตถิ่มไว้
- ฝนเอ๊ยฝน ยามเมื่อลาป่าไม้
- คิดเห็นคนน้องเคยสัมภาษณ์ไว้ เอย
- คันปานนี้อยู่จังได๋ ใจลอยๆ
- เอย โอ้ย เอย โอ้ย ละนา
พอสิไปลำขอข้าวได้บ่5555
365 50 4476
2021-2-27 15:44 iPhone 6s Plus
評論 50
มวนๆซึ้งหลายครับ น้องหล่า
ขอบคุณกำลังใจคะอ้าย
เยี่ยมเลย สุดยอด⭐⭐⭐⭐⭐⭐💯💯💯💯💯⭐⭐⭐⭐⭐👍👍👍👍👍
ขอบคุณกำลังใจค่ะที่มอบให้เสมอมาคะพี่เอก
โอ้ยๆ ออนซอนเด้ มาลำหม่วนแท๊น้อง ว่าแหม่นลำบ่เป็น คิดผิดถนัดเลยอ้าย หม่วนหลายน้อง👍👍👍👍
ขอบคุณกำลังใจค่ะอ้ายชิดว่าสิไปลำขอข้าวสิได้กินข้าวบ่ละอ้าย
เพราะจัด
🥰🥰ขอยกความชอบให้จร้า 🕶️💙 💜
😘
ชอบ+love