Dear Duterte
Dear Duterte
- Dear Duterte
- Ikaw na po aming pangulo
- Ikaw huling pag asa na limutin ang pagsuko
- Pinas ay napasuko ngunit ikaw ang sugo
- Upang pigilan aming mga luha sa pagtulo
- Sino ba naman kase ang di maiiyak
- Ipapakain sa pamilya namin ay hindi tiyak
- Kung meron ba o wala Kulang ba o sapat
- Pondo para samin napunta kase sa di tapat
- Pinaghirapan ng mahirap napunta sa kanila
- Pero sayo kame tiwala di ka ganon di ba
- Ang tiwala at ang puso ng Pinoy nasayo po
- Kaya nga ikaw ang binoto namin para maupo
- Na kame ay itayo mula sa pagkakadapa
- Abot mo samin pagunlad na di pa namin nakapa
- Aming pagpili sa iyo sana kami'y may mapala
- Sa mga dateng umupo kase kame ay nadala
- At alam ko po pangulo na nakikita mo
- Pamilya nasisira dahil lang sa bawal na bato
- Hindi na kakaiba to mapipigilan mo ba to
- Sasaluhin mo ba problema na sayo ibabato
- Dahil alam mo naman Pinas madaming suliranin
- Taghirap na nga kame lahat pa ay kukunin samin
- Swerte na kame kapag may isasaing na bigas
- Ang mahirap pinahihirapan ganyan sa Pinas
- Dahil ba walang trabaho Tingin ko di ganon
- May trabaho ngunit di sapat dahil sa korapsyon
- Mga bilihin mamahalin habang maliit ang sahod
- Di makatarungan kapalit ng aming mga pagod
- Dahil jan nagaabroad ibang Pinoy nang sapilitan
- Paghihirapan o pangungulila lang pagpipilian
- Pagbalik mga anak di na kilala ang magulang
- Di sana ito nangyari kung gobyerno di magulang
- Sana wag magkulang iyong pamamalakad
- Sana sa iyong kamay na bakal ay maging mapalad
- Bawat buhay namin ng mga Pinoy at Pinay
- Dahil pagbabago kay tagal na naming hinintay
- Sa paghihirap po kase sawang sawa na po kame
- Mga makapangyarihan sa Pinas kami inaape
- Sila ay mga tao ngunit asal ay pang animal
- Mga buwaya porma ay disente ngunit kriminal
- Kapag mayaman ang nagnakaw ang tawag ay negosyante
- Pag mahirap ang nagnakaw ang tawag ay pugante
- Pag mayaman nagkasala napapawalang sala
- Pag mahirap nagkasala kulungan na ang sala
- Kaya sana po pangulo gawin mong pantay pantay
- Ang pagtingin sa mga tao ng batas nating sablay
- Pero ngayon sa pamumuno mo nagtitiwala pa ko
- Dahil kilala ka naming patas lang at makatao
- Umaasa mga tao di na muli pang maloloko
- Gaya dun sa administrasyong Aquino at Arroyo
- Sana lahat magbago sa iyong paglilingkod
- Kahit mahigpit at istrikto ka kame ay susunod
- Dahil alam naman namin na para samin din ito
- Samin magsisimula ang pagbabago di lang sa iyo
- Dapat kami'y kumilos din habang ikaw nag gagabay
- Aming paa'y ihahakbang habang hawak iyong kamay
- At kami ay iyong hatid sa aming mga kailangan
- At muli mong ibalik kinang ng Perlas ng silangan
- Marinig mo man ito o hinde ayos lang
- Mahalaga iyong mithiin iyong matapos ang
- Lahat ng dapat mong tapusin sayong pamamahala
- Saming bayan di magiliw ikaw na po bahala
- Hangang dito nalang ikaw na po magbago Sa Pinas
- Nagmamahal Hambog na Sagpro
評論 2
You're talented
You did it! 🌷🌹🎉🤗😘🌹