สัญญาปลาข่อน
ลมพัดข้าวดอ
- ลมพัดข้าวดอ
- หัวใจอ้ายรอฟังข่าว
- คึดฮอดผู้สาว
- ที่เคยเว้ากันปีก่อน
- ว่าสิคืนนาทุกครา
- เมื่อยามปลาข่อน
- แต่พอเจ้าจร
- ปลาข่อนบ่เห็น คำแพง
- บัดนี้ บัดนี้
- อ้ายอยากขอกล่าวก้ำ
- ทวนความจำจั๊กกะหน่อย
- ฝากผู้สาวส่ำน้อย
- ผู้หายจ้อยตั้งแต่นาน
- ตั้งแต่คราวอยู่บ้าน
- เว้าคำหวานกับอ้ายบ่าว
- ยามหัวลมพัดจ้าว
- กลางฮวงข้าวก่องสลอน
- น้ำแจนาปลาข่อน
- ปลาซิวซอนดิ้นด่องด่อง
- เอาสวิงค่อยซ้อน
- มาหมกพร้อมอีตู่นา
- จ้ำหมกปลาสัญญาน้อง
- ว่าเฮาสองสิมั่นแก่น
- ฮักเป็นแฟนก่อไว้
- มื้อได๋พร้อมจั่งแต่งกัน
- พอหลังจากมื้อนั้น
- เฮากะห่างน้อกันไป
- เหลือแต่สัญญาใจ
- ที่แซในหัวใจ ซื่อ
- บัดหลายเดือนหลายมื้อ
- ฟังเขาลือน้องเป็นต่าง
- สังคมเมืองเปลี่ยนร่าง
- ใจเคยตั้งกะเปลี่ยนตาม
- เสริมความงามตามแฟชั่น
- ตาหวานหวาน แอวกิ่วกิ่ว
- จมูกเสริมเติมแต่งคิ้ว
- มือสิบนิ้วเจ้าใส่แหวน
- นั่งเคียงเสี่ยยิ้มแป้น
- ในเก๋งแวนติดฟิล์มดำ
- เคยสัญญาแสนคำ
- เจ้าบ่จำ เบิดคุณ ค่า
- เขาพาเที่ยวคาราโอเกะ
- ลืมเถียงนาเซที่เฮาเคยเว้าวอน
- ลมหนาวมาน้ำขอดนาปลาข่อน
- เพลินแสงนีออน
- บ่ฮำฮอนฮักเฮา
- อ้ายนั่งเหงา บนคันแทนากิ่ว
- มองเห็นปลาซิวดิ้นแด่วแด่ว
- แดดเผา
- ดั่งสัญญาอ้าย
- โดนฆ่าด้วยความเหงา
- เพราะถูกผู้สาว
- แฟนเก่าเพิ่นตัดรอน
- วอนสายลม
- ทวงสัญญาปลาข่อน
- เบื่อแสงนีออน
- ฟ่าวกลับคอนเด้อนาง
- เบื่อแสงนีออน
- ฟ่าวกลับคอนเด้อนาง
มาฟังเพลงเดี่ยวของฉันเถอะ!
19 1 5239
2021-8-15 13:10 samsungSM-J730GM
Komentar 1
เพราะสุดยอดมมากเลย