ฮักลาที่ผาแต้ม
แสงตะเว็นจ้า น้องยืนกลั้นน้ำตาหลบเงา
- แสงตะเว็นจ้า น้องยืนกลั้นน้ำตาหลบเงา
- รับมื้อใหม่สุดเหงา ฮักเฮาบ่คือเก่าแล้ว
- อ้ายควงเขามา ยืนแอ๊คท่า
- ถ่ายรูปหวานแว๋ว
- น้องหล่อยเบิดใจ ย้านบ่เหลือแนว
- เหมือนอ้ายนัดมา ผาแต้มบอกลาฮักกัน
- อาทิตย์ขึ้นก่อนใครในสยาม
- วิวงามๆ มื้อนี้เปื้อนน้ำตา
- แสงอาทิตย์ส่อง แม่น้ำโขงมันเหว่ว้า
- สาวโขงเจียมมื้อนี้คนรักลา
- ยืนเทิงผามันเบิดแฮงล้าหล่อย
- มีใหม่จ้อย บ่สมรอคองถ่า
- คำสัญญาบ่มีความหมายจั๊กหน่อย
- ไผว่าสิฮักดั่งภาพเขียนสีบ่ลบฮอย
- ตั๋วให้คอยน้ำตาย้อยบ่เป็นท่า
- ยืนคอยถ่า เบิ่งวิวฮิมผา แสงขึ้นงามเด่น
- เห็นแนวปวดจ้าว มันร้าวอยู่ใจ
- นัดน้องไว้มีใหม่ควงแขน
- เอิ้นว่าแฟนหวานกันเริงร่า
- มีคนถ่าน้ำตาย้อยหลั่ง
- ผิดหวังฮักล้ม บ่สมน้องฮักแฮง
- ตะวันแดงโผล่รับวันใหม่
- ผาแต้มสดใส หมอกไหลงามตา
- มีคนยืนเดียวดาย มื้อนี้ฮักพ่าย
- ถ่ายรูปบ่เป็นท่า
- ใจบ่มั้นแน่นคือสีแต้มผา
- เห็นใหม่มักหน้า ง่ายแท้น้อใจชาย
- หมดความหมายคือหมอกถืกแสง
- ความฮักอ่อนแฮง มันล้าหล่อยทั้งใจ
- ภาพเขียนสีสามพันปีบ่เลือนหาย
- แต่ใจคนบ่ทันดนกะเปลี่ยนไป
- เบิ่งทิวโขงกั้นลาวไทย น้ำตาไหลลงหย่าวๆ
- ลมหนาวตำหัวใจตึ้ง ลมหนาวตำหัวใจตึ้ง
- ล้านความคิดถึงกะดึงอ้ายบ่อยู่
- เทิงภูมันปวดจ้าวๆ หนาวฮ้อนตื่มใส่กัน
- มีคนกอดกันให้โลกเพิ่นฮู้
- ยืนเคียงคู่แซลฟี่หวานฉ่ำอ้าย
- ชายใจดำช่างทำลงได้ คนเห็นภาพบาดใจ
- เจ็บหลายเด้อ
มื้อนี้เอาผลงานเพลงฮักลาที่ผาแต้มมาฝากจ้า.บ่อมวนกะขออภัยนำหลายเด้อจ้า..🙏🏻🌷🌷🌷🌷😁😁😁🌷🌷🌷🌻🌻💖💖💖💖💖💖
59 26 3632
2023-6-12 19:57 samsungSM-C710F
Comments 26
🧡 เป็นกำลังใจให้นะค่ะ 👍💋
ขอบคุณหลายๆเด้อน้องหล่า🌷🌷🌷
ขอบคุณมากๆน่ะค่ะ
ขอบคุฯน่ะค่ะดอกใม้สวยๆจ้า
ขอบคุณเข้าของดอกใม้ด้วยเด้อจ้า💖💖💖🌷🌷🌷
ขอบคุณดอกใม้มากๆจ้า
🙏🏻💖💖💖💖
🙏🏻💖💖💖💖💖
เพราะๆ
ขอบคุณมากๆค่ะ