ลำล่อง..เฮือนสามน้ำสี่
หล่ะฟ้าเอ๋ย
- หล่ะฟ้าเอ๋ย
- ฟ้าฮ้องหล่า
- ใจสาวจินตหรา
- มาคิดพ้อแต่ความเก่า
- ความพ่อแม่ปากเว้า
- สอนไว้ตั้งแต่หลัง
- ยังเป็นสาวน้อยๆพ่อแม่ว่าอย่าลืมตน
- ความเป็นสาวเป็นนาง
- อย่าล่วงคองคูณเค้า
- คำโบราณเคยเว้าวาเรือนสามน้ำสี
- กุลสตรีที่ถูกต้องอย่ามองข้ามแต่ประถม
- เรื่องเรียนสามจำบ่ได้เลิกล้ม
- ข้อที่หนึ่งเรือนนอน
- ข้อที่สองเรือนครัวบ่อนที่ทำหุงต้ม
- ให้จักห่มจักล้างสองเรือนให้สะอาด
- เรือนที่สามกะอย่าพลาด
- คือเรือนผมอย่าให้ยุ่ง
- หวีเรื่อยจั่งคอยงาม
- ถึงเวลาอาบน้ำให้ล้างส่วยสระผม
- ความนิยมของคนนี่แมนงามกะตามแล้ว
- แนวสามเรือนมันเส้าไผสิเอาเจ้าเป็นคู่
- โอย น้อ
- ซู้กะหนายสายบ่ไกล้ไผได่ซ้อนเพิ่นกะหมาง
- น้ำสี่ฟังอีกบ้าง
- น้ำหยังแหน่หญิงควรคิด
- หนึ่งน้ำจิตใจตนอย่าได้โมโหฮ้าย
- ขอบรรยายให้ฟังสิ้นควรบ่ควรให้คิดเบิ่ง
- สองน้ำอาบให้มันเริง
- ตักใส่อุแอ่งไว้
- หมองมั่วให้ถ่ายเท
- สามน้ำดื่มอีกนั่นเด้
- อุแอ่งให้สดใส
- ยามแขกไปไทยมา
- แวะยามหลายท่าน
- จินตหราขอวอนท่าน
- เป็นคองให้จักที อีกน้ำที่สี่
- น้ำเจ้าปรุงแต่งไว้ยามเข้าดอกบ่อนนอน
- ตอนกลางคืนเทพเจ้าเพิ่นมารักษาตน
- รักษาคนยามนอน
- ยามนอน
- เพิ่นเบิ่งแยงแปงเป่า
- น้ำเจ้าปรุงแต่งไว้บูชาเทพราช
- หญิงได้อาจเฮ็ดได้
- ไปหน้าสิฮุ่งเฮือง
- พ่อแม่ว่าต่อเนื่องหญิงได้ซางให้สดสวย
- ถึงสิรวยสินทรัพย์บ่แมนกุลสตรีได้
- ไผบ่จักคุณเค้าดอกเรือนสามสี่
- ฟังให้ดีเอื้อยน้องเอาเสียร้องเจ้าส่งมา
- จินตหราจำได้จึงทวนให้คิดฮ่ำ
- หล่ะแมนมีเงิน แมนมีคำ
- แต่ลืมของสิ่งนี้
- คันไปหน้าบ่เจริญขอเชิญได้
- แมนหินตอง ใสฮองๆ
- โอละหน่าย
Bình luận 5
🤟😘FCเลยครับ
ขอบคุณครับ
หลงไหลในน้ำเสียงเลยค่ะ
ขอบคุณครับ
ร้องเพลงเพราะแท้ๆเน้อเจ้า