ลำล่อง ลำลาหน้าฮ้าน
พ่อแม่เอ้ย
- พ่อแม่เอ้ย
- จวนเวลาม่อใกล้
- สิได้ห่างกันไกล
- ไปคนก้ำลำบ้านอื่น
- ปลุกลูกหลานว่าให้ตื่น
- หมอลำลาลงจากฮ้าน
- ตะเว็นแจ้งส่องมา
- เห็นพ่อลุงแม่ป้า
- สั่นสาดลุกสิคืนกลับ
- อีกมื้อใด๋หล่ะน้อครับ
- สิพบกันคือวันนี้
- หน้าเวทีฟังจนแจ้ง
- เบิ่งบทบาทการแสดง
- หมอลำเรื่องฮอดสว่าง
- มาเสียดายบัดสิห่าง
- ไปคนทางห่างบ้าน
- พระคุณท่านจื่อบ่ลืม
- หัวใจแสนปลาบปลื้ม
- แฟนลึ้งแก่นเป็นแรงหนุน
- ชึ้งหัวใจบ่ไลคุณ
- ให้เพิ่งบุญพระคุณล้ำ
- มาฟังลำบัดคืนบ้าน
- ให้พ่อแม่สุขสำราญ
- คืนบ้านให้เริงรื่น
- มีเงินแสนเงินหมื่นทุกวันคืน
- อย่าพบกลุ้ม
- พระคุณคุ้มอย่าหม่นหมอง
- ดีใจหลายอ้ายและน้อง
- ที่มาส่อยเป็นแรงใจ
- พวงมาลัย
- ยอยกยื่นมาบ่ลาเว้น
- แสงตะเว็นนั้นมาฟ้อง
- ขอบฟ้าเป็นสีทอง
- เลยจำต้องสิลาก่อน
- ผู้แสดงกะอิดอ่อน
- ผู้ฟังลำกะอ่อนหล้า
- ทรงเหงาง่วงบ่ได้นอน
- ใจคิดนำอ้อนต้อน
- ผู้สาวเพิ่นสิไกลหนี
- หน้าเวทีสิมาพบ
- อีกบ่น้อพะนางเอ้ย
- คนงามเอ้ยแฟนอ้าย
- ยืนยิ้มส่งอยู่ไกลหลายหยับ
- มาพี้อ้ายสิสั่ง
- ดนปานใด๋กะตามส่าง
- อย่าลืมกันเด้อยอดซู้
- ให้เธอฮู้อ้ายคิดถึง
- ส่งสายตาซึ้งซึ้ง
- แต่หัวค่ำจนลำจบ
- การแสดงกะจนครบ
- พี่สิลาก่อนเด้อน้อง
- สายตามองแต่นำเจ้า
- บัดสิห่างใจเหงา
- อย่าลืมอ้ายเด้อซู้ปล่อย
- คิดฮอดกันวันหล่ะหน่อย
- โบกมือลาเอิ้นสั่งน้อง
- เอาเสียงร้องแม่นส่งทาง
- เออเอ่อเอ่ยโฮะโอน้อ
Komentar 12
สุดยอดค่ะเพาะมากมากค่ะ🌹🌹🌹🌹
ต้องเป็นนักร้องหมอลำแนๆๆเลยเสียงเพราะมากๆๆเลย👍👍👍👏👏👏🌹🌹🌹🌹🌷🌷🌷🌺🌺🌺🌻🌻🌻🍀🍀
ชื่อวงหยังค่ะม่วนๆๆค่ะ🌹🌹🌹🌹🌹🌷🌷🌷
ม่วนหลายเด้เสียงคือหวานแท้น้อ👍👍👍👍🌹🌹🌹🌹🌹
ม่วนหลายเด้ คือสิเ็นพระเอกแท่ๆ
ม่วนคักๆอีหลีตั๊วบ่ตั๊วดอกจ้า....🌷🌷🌷🌷🌷🙏🙏🌷🌷🌷🌷🌷🙏🙏🌷🌷🌷🌷🌷🙏🙏🌷🌷🌷🌷🌷
เลิศล้ำ..ลั่นล้าลำล่องลำลาล่าล้า...
ม่วนคัก👍👍👍