ลำล่อง หลาบจำแล้วคำคน
โอ้ย เด้น้อ
- โอ้ย เด้น้อ
- หล่ะงึดหัวใจน้อหลายเด้
- งึดใจเจ้าหลายเด้
- สังมีเล่ห์
- โอ้ย มีเหลี่ยม
- หน้างามๆ ส่างมีใจโหดเหี้ยม
- เธอเตรียมไว้
- ฆ่าพี่ชาย โอ้ย
- กินหยังมา
- ส่างมีใจโหดร้าย
- หมายลวงพี่ให้เสียศูนย์
- โอ้แม่คุณคนงาม โอ้ย
- ซ่างใจดำ น้อทำได้
- จากกันไปแต่คราวกี้
- เพียงสองปีมีซู้ใหม่
- ถืกเขาป๋าลาไล
- หอบความเจ็บ คืนสู่บ้าน
- มาจาต้าน ต่อพี่ชาย โอ้ย
- บอกว่ายังฮักอ้าย
- ชายคนเก่าบ่ลืมหลง
- ยังพะวงอยูในใจย้านพี่ชาย โอ้ย
- มีเมียซ้อน
- หล่ะคึดอยู่เด้
- คึดอยากหวนคืนย้อน
- อดีตเก่า
- โอ่ยเฮาสอง
- น้องได้มองคนผิด
- จั่งค่อยเป็น โอ้ยแนวนี่
- หล่ะเห็นเขาดีนำน้อง
- เลยเปิดป่องทางหัวใจ
- ให้เขามาแทนชาย โอ้ย
- ผู้ที่หมายน้อเคียงซ้อน
- ให้เขาลองจนหล่อน
- บ่มีเหลือแม้แต่หน่อย
- ขนาดซิ้นสองต่อน
- ก่อนพี่ชายเคยได้ต้อย
- ให้เขาจ้อยแม่นบ่แพง โอ้ย
- กว่าสิมาฮู้แจ้ง
- ว่าเสียท่าให้แฟนเขา
- น้องกะเอาความสาว
- มอบแก่เขาจนเหมิดเกลี้ยง
- พ้อผู้ชายเซียงเหมี่ยง
- เพียงตั๋วกินแล้วกะเซิ่น
- บ่หวังฮ่วมทางเดิน
- กินแล้วเมินเบิ่ดเจ้ย
- บ่เคยเว้าเรื่องแต่งงาน โอ้ย
- น้องกะเลยตัดสินใจ
- กลับคืนบ้าน
- มาวอนพี่คนจริงใจ
- น้องได้ทำผิดไป
- ให้อภัย โอ้ย
- แหน่เด้ออ้าย
- โตพี่ชายพอได้ยินคำเว้า
- ว่าไปเสียทีเขา
- หลูโตนเจ้าถืกเขาปล่อย
- นางเอ๋ยนาง
- น้ำตาพังหลั่งย้อย
- มาออยเว้าให้พี่ฟัง
- มาฮักกันอีกครั้ง
- หยังกะส่างบ่ถือสา
- ฮักกันมาหลายปี
- อ้ายบ่ติว่ามีแป้ว
- จักสิติไผแหล่ว
- อยากมีแฟนเป็นคนซั่ว
- อ้ายฮักเจ้าหลายกว่า
- ฮักจนลืมบ่ได้
- ไผมาเกี้ยวพี่บ่แนม โอ้ย
- หล่ะคึดนำสองหน่วยแก้ม
- เคยดมกลิ่นอยู่เทิงเถียง
- ข้างกองเฟียง เฮ้ย
- บ่อนที่เฮามีกัน
- วาดวิมาน โอ้ย
- แต่คราวกี้
- หล่ะอ้ายยินดีอภัยน้อง
- ขออย่ามีใจสอง
- ขอเพียงน้องอย่าลวงพี่
- น้องสัญญาว่ากลับมาเทื่อนี่
- บ่มีมื้อสิเสื่อมคลาย
- ได้สองเดือน
- พี่ได้ฟังข่าวร้าย
- ว่าชายหนุ่มสิมาขอ
- เป็นลูกชายขอ
- น้ำตาคลอ โอ้ย
- เบิ๊ดคำเว้า
- ได้แต่เพียงยืนเศร้า
- บ่มีแฮงฮอดสิหย่าง
- งึดใจเจ้าเด้นาง
- ส่างใจดำทำพี่ได้
- เทิงยืนไห้ได้แค่มอง
- บ่คิดเห็นตั้งแต่คราวอิน้อง
- หมองใจหม่นถืกคนตั๋ว
- ไผเด้น้อทูลหัว
- ซับน้ำตาเป็นยาแก้
- บัดนี่น้อพี่สิพอๆ แท้
- บ่แยแสบ่ข้องเกี่ยว
- ตัดสินใจเด็ดเดี่ยว
- สิบ่สนคนจั่งเจ้า
- โอ้ยคำเว้าบ่แน่นอน
- หลาบแล้วเด้อ
- หลาบพอปานถืกฆ้อน
- ฟาดกะหง่อน ลงหลายหน
- ย้อนหลงเชื่อคำคน โอ้ย
- ฮักบ่จริงคือคำเว้า
- สิขอเอาความช้ำ
- พร้อมสัญญาคนลืมคำ
- ไปลอยน้ำให้ไหลล่อง
- ล้างความหม่นความหมอง
- ล้างเหมิดความฮักน้อง
- ที่มันค้างอยู่หว่างใจ
- จากนี่เด้อสิบ่ขอเข้าใกล้
- ให้ใจหม่นเป็นหนสาม
- สิขอลืมคนงาม โอ้ย
- ผู้บ่จำน้อคำเว้า
- ขออวยพรให้โตเจ้า
- อยู่กับเขาให้หมั่นแก่น
- ให้ครองฮักอย่าคลอนแคลน
- คือจั่งโตบักอ้าย โอ้ย
- ชายคนนี่
- ที่ส่งพร
- เด้องามงอน
- โอ้ โฮะ โอ โอย
- โอ้ยเด้น้อ
ทั้งยาวทั้งยากเด้อครับกลอนนี้ฝากเป็นกำลังใจแนเด้อครับ
70 18 9593
2021-12-13 22:26 vivo 1601
Comments 18
ยังเสียงม่วนคือเก่าน้ออ้าย
🎋ม่วน🎋หลาย🎋🎋🎋ม่วน🎋หลาย🎋🎋🎋ม่วน🎋หลาย🎋🎋🎋ม่วน🎋หลาย🎋🎋🎋ม่วน🎋หลาย🎋🎋🎋ม่วน🎋หลาย🎋🎋
ขอบคูณป๋าพันมากครับสำหรับกำลังแรงใจที่ดีตลอดมาครับ
ขอบคุณน้องสาวหล่าหลายๆเด้อมาเป็นกำลังใจอ้าย
ขอบคุณกำลังใจมากๆเด่อครับ
ปะๆชิพาไปลำขอเข้า
ขอยุใสเน้อจร้า
ขอ อยู่สุดสะแนนจ้าที่รัก
แวะมาฟังลำม่วนๆๆๆด้วยคนจร้า
