ของแซ่บอีสาน
มาน้องมาพี่สิพาไปอยู่อิสาน
- มาน้องมาพี่สิพาไปอยู่อิสาน
- ไปกินแกงเห็ดละโงก
- ซดน้ำโก้กๆละดอกตูมดอกบาน
- อิสานบ่อึดแนวกิน
- มีผักอีฮีนละผักกุ่มผักหวาน
- บ่เชื่อให้นั่งรถผ่าน
- สิเห็นอิสานอุดมสมบูรณ์
- สิเห็นเห็ดปลวกเห็ดไค
- ดอกบักใหญ่เกิดขาวจูนพูน
- กุดจี่และแมงกินูน
- มันบินวุ่นละแส่วหน้าแส่วหลัง
- เห็ดเผาะและเห็ดหำฟาน
- ดอกบ่บานคือเห็ดตะปู๊
- ยามเกิดละดินแตกผู้ยู้
- เกิดเคียงคู่ละขอนเห็ดกระด้าง
- จำพวกเห็ดแฮดเห็ดห่า
- เกิดตามนาขาวงามสะพรั่ง
- บ่ต้องซื้อให้เสียสตางค์
- เก็บเลาะทางยามไปไร่นา
- โกบเขียดละเต้นอยู่โคบๆ
- ร้องโอ้บๆยามฝนตกมา
- ปลาบ้อนอยู่กลางไฮ่นา
- เอาแหฮ้าวมาติดทั้งปลาทั้งปู
- บักหอยกะติดมานำ
- พร้อมกับแมงละงำ
- ละแมงดาละหลายคู่
- กะปอมแย้ก็แยะหน้าดู
- วิ่งลงฮูละซวดๆยามแลง
- ผักติ้วส้มจิ้วขนลุก
- แกงใส่ปลาดุกกินแล้วมีแฮง
- แกงบอนใส่ใข่มดแดง
- ผักกะแยงกินกับก้อยปลา
- ผักตำนินละลวกกินกับป่น
- ผักกะโดนกินกับป่นปลา
- ผักกะเดากินกับลาบวัว
- ผักลืมผัวก็แซบเข้าท่า
- ซุ๊บหน่อไม้กับผักกาดยา
- ส่วนผักขาให้แกงใส่กัน
- ผักแว่นคู่ซุบบักเขือ
- แซบเอาเหลือน่าอัศจรรย์
- ส้มผักเสี่ยนละยิ่งกินยิ่งมัน
- ลาบเทานั้นยิ่งมันยิ่งกิน
- อ่อมหอยใส่ผักอีเลิด
- ผักอีเลิดเกิดอยู่ตามดิน
- ตำบักหุ่งกับผักกะถิน
- หากไผได้กินสิฮ้องหวาแซบหลาย
- ลาบไก่ต้องใส่ข้าวคั่ว
- ต้มน้องวัวใส่หัวสิงไค
- แจ่วเพี้ยอยากให้แซบถึงใจ
- ต้องหั่นเครื่องในเหล้าขาวจังแม่นแนว
- ดอกะเจียวละเขียวแดงเต็มป่า
- เก็บเอามาลวกกินกับแจ่ว
- ไปนำอ้ายบ่ตาแป๋ว
- ไปเอาแนวของแซ่บอีสาน
เชิญแจมครับเพิ่ลๆชายหญิงของแช่บบ้านเฮา🎤🍻💃💃💃
38 7 2566
2024-7-24 20:56 OPPOCPH2483
Comments 7
😁😋สุดยอดของแซ่บเว่อออร์ อีสาน ของผักอันนั้นนำแน่ ,....,😂🤣✨🌟🥳🥰😁
ม่วน ๆ จ้ามิตร ฮ้องนำบ่ได้ดอกแนวนี้ 555
ขอบคุณกิ๊บหลายๆเด้อตี้🙏🙏🙏
หึ๋ยผักลืมเมียแม่นบ่อ้ายโต้ข้อยฮู้นิสัยเจ๊า🤣🤣
😇ให้อ้ายโต้เลาหย่าวโลดตี้🤣🤣
ม่วนๆ ๆ อ้ายมิตร
ขอขอบคุณกำลังใจละลายๆเด้อครับอ้ายพิท🙏🙏🙏💃🏾💃🏾💃🌺🌺🌺