ตำนานหนองสะเลียม
มาฟังตำนาน ประวัติเก๊าเหง้า
- มาฟังตำนาน ประวัติเก๊าเหง้า
- เจ้าหมายจักเล่า
- ประวัติหนองสะเลียม
- ซ้ำอยู่ใต้เวียง หางดงเจียงใหม่
- ล่องมาสาใต้ อำเภอสันป่าตอง
- ก่อนจะมาเป๋นหนอง
- บึงคลองหนองกว้าง
- ได้มีหมู่บ้าน และวัดศรีดอนชัย
- ได้สาบสูญหาย จ๋มลงมืดมิด
- หกร้อยสามสิบเปิ้นว่าหลังคาเฮือน
- มีพลเมือง เต๋มจ้องเต๋มบ้าน
- แผ่นดินไหวล้ำ ฟ้าฮ้องฟ้าคาง
- ซ้ำเกิดเหตก๋าน
- แผ่นดินหล่มยุบ
- เหลือก้าเฮือนก้าตูบ
- แม่หม้ายหลังเดียว
- เฮือนแม่บัวเขียว
- หลังเดียวว่าอี้
- ได้หลายร้อยปี๋ เปิ้นอู้สืบกั๋นมา
- เหตุก๋านผ่านมา เปิ้นได้จารึก
- แผ่นดินได้ยุบ
- เลยปี๋ใหม่สงกรานต์
- พ.ศ.สองพัน
- สองร้อยแปดสิบเก้า
- ต๋ามเปิ้นได้เล่า
- เป๋นเดือนแปดเป็ง
- ไปได้ป๋าเป๋น
- คือป๋าเหยื่อนเผือก
- ปากั๋นเอาเจือก มัดลากขึ้นมา
- ยาวเป็นสิบวา มหึมาบ่าเล่น
- ใจ้เจือกหลายเส้น จับลากดึงมา
- ซ้ำไปได้ป๋า จากหนองร้องขุด
- จ้วยกั๋นลากฉุด
- ผ่านบ้านร้องน้ำหัวดง
- เป๋นฟ้าเป๋นฝน
- ตกลงไหลค่อน
- ฟ้าแมบฟ้าฮ้อง ไหลรินล่องลงปิง
- เป๋นเปอะเป๋นดิน หนตางปอแจ๊ะ
- ผ่านบ้านป่าแงะ ร้องอึ่งสนทราย
- มาตางศรีดอนชัย
- ก๊กป๋าไหลใส่หม้อ
- ผ่องก่อแก๋งใส่หน่อ
- ผ่องใส่ส้มบะนาว
- กลิ่นเลือดกลิ่นคาว เลือดแดงปะลึ่ง
- กิ๋นหมดละหมดลึ้ง บ่ได้กิ๋นคนเดียว
- เฮือนแม่บัวเขียว หลังเดียวว่าอั้น
- มีนางบุญปั๋น นั่งกิ๋นข้าวแลง
- เหลือก้าน้ำแก๋ง
- เอาไปหื้อแม่หม้าย
- กูบะกิ๋นก่อได้ หะน้ำแก๋งลงจาน
- สูดูหมิ่นดูจัง กูเป๋นแม่หม้าย
- ตุ๊กใจ๋แต้ไท้ บ่มีไผเลี้ยงดู
- กูจะสาบแจ้งสู ได้ตึงมิ่งตึงโขด
- หื้อฟ้าดินลงโทษ นรกหมกดิน
- มีสองจายญิง นั่งอิงป้องข้าง
- บ่าวเวียงต้าก๋าน จื่อว่าคำเมือง
- อู้กั๋นบนเฮือน อู้กั๋นบนบ้าน
- มีน้องบัวคำสาวบ้านศรัดอนชัย
- คำเมืองป้อจาย
- ฮักนายสาวหน้อย
- เลยยื่นแหวนสวมก้อย
- เป๋นแหวนวงงาม
- ตั๋งน้องบัวคำ ตึงบ่ขัดบ่ข้อง
- เดิ๊กมาจ่อมผ่อม
- เสียงฟ้าฮ้องคำราม
- น่ากลั๋วเหมือนกัน
- เสียงฟ้าดังลั่นก้อง
- คำเมืองขอร้อง
- หนีเต๊อะน้องบัวคำ
- เสียงตี้มันดึง
- เสียงแผ่นดินถล่ม
- ต้นไม้ไหวเสิ้ง
- หักเป๋นแถวเป๋นแนว
- หื้อน้องกอดแอว
- ไว้เต๊อะน้องหล้า
- ขึ้นขี่บนหลังม้า
- รีบหนีเร็วไว
- สะเทือนหวั่นไหว
- ไล่มาโตยก้น
- แผ่นดินถล่ม
- คนต๋ายแน่นอน
- เลยถอดแหวนทอง
- คล้องเหียตี้หัน
- ปี้น้องจาวบ้าน อู้กั๋นทั่วแดน
- ชื่อว่าหนองแหวน
- ฮ้องกั๋นทั่วบ้าน
- แหวนน้องบัวคำ
- ถอดขว้างทิ้งไป
- สองคนหนีต๋าย
- บ่ไหวแล้วเจ้า
- เลยยู้น้องเหน้า อี่น้องบัวคำ
- อย่าได้เป๋นบาปกรรม
- โตยตันตั๋วข้า
- ปักขวิดตกลงหลังม้า
- เลยฮ้องว่าหนองบัวคำ
- กล๋ายเป๋นตำนาน
- เหลือก้าบ้านแม่หม้าย
- ประวัติกล่าวไว้
- คือหนองสะเลียม
- บะเดี่ยวเหลือเพียง
- แต่ร้อยอดีต
- วันเสาร์อาทิตย์
- ไปนั่งเล่นเย็นดี
- เทศบาลใจ๋ดี
- เปิ้นไปตึดไปสร้าง
- หื้อเป็นของจาวบ้าน
- อำเภอสันป่าตอง
- สวรรค์เวียงทอง
- พักผ่อนนั่งเล่น
- ปี้นี้เดือนยี่เป็ง
- เจิญไปลอยกระทง
评论 6
ตำนานหนองสะเรียม
✨💎💎✨💎💎✨ 💎💎💎💎💎💎💎 💎💎ไพเราะมากครับ ✨💎💎💎💎💎✨❗❗❗❗🔴🔴 🔴⭐⭐⭐⭐⭐🔴 ❗🔴 🌟🌟🌟 🔴 ❗❗🔴💫🔴 ❗❗❗🔴 ❗❗❗🌹 ✨✨💎💎💎✨✨ ✨✨✨💎✨✨✨
⭐️⭐️ 💚 🌸สวัสดีค่ะ 🌼💚 🌸 🌿🌼💚 🌸 🌠🌿 🌼💚🌸 。🌠🌿🌼💚 🌸 。。🌠🌿🌼💚 🌸 。。。🌠🌿🌼💚 🌸 。。。🌼ขอบคุณมากๆค่ะ⭐⭐
งู้ยยยยยยยยยย
ชอบต่อใจค่ะ 🎤
🎤 🕺💘 🎉🤗😘😍😍🎸