สุดนำแนน
ข้าแต่โชคชะตา
- ข้าแต่โชคชะตา
- บ่อนมันสุดอยู่เทิ่งฟ้ากับแถน
- อยากสิจ่อง ไล่เบิ่งสายแนน
- สองเฮาสิแม่น กกเดียวหรือบ่
- เป็นหยังฮัก จั่งฮวนฮ้อมใจเฮา
- คึดนำเขา สิหลูดสิล้มแท้หนอ
- คำว่าฮัก มันแค้นคักจ่อล่อ
- คึดไปไสบ่พ้อ บ่อนสิพอได้ซ้อน
- สุดสิวอน สุดสิถ้อน ความคนิงหา
- ปานลอยคอกลาง ทะเลน้ำตา
- แนมสุดปลายฟ้า บ่พ้อทางไปต่อ
- จักแม่นกรรมหรือเวร
- จักสิหลีกสิเว้น จั่งได๋เด้เนาะ
- แนนบ่ความเค้า กกเกลียวเกี้ยวก่อ
- ฮักเฮานี่หนอ จั่งมายม้างห่างกัน
- อ้ายประชัน บั้งไฟพ่ายให้แก่เขา
- บุญบ่สมสิเอา แก้วไอ่ มาไว้นอนซอน
- สายแนนเฮาบ่ถึง หรือแม่นเขาดึงไปก่อน
- สายคออ้าย แม่คนไคงามงอน
- ผลาบ่พอซ้อน เลยได้แต่คึดนำ
- ไอ่คำคนไค ของอ้าย คอยอยู่ดีสา
- คองมื่อ บาดอ้าย หลบมา
- สิพาขวัญตา หนีไปหาบ่อนซ้อน
- สร้างวิมานสองเฮา
- คองเด้อหล่า คองอ้ายสาก่อน
- สัญญาใจ แม่คนไคงามงอน
- ฟ้าดินอ้ายวอน ว่าเป็นพยาน
- นี่ล่ะพี่น้องเอ๋ย
- เพิ่นจั่งว่าคนเทียวลงใช้ซาติ
- ในโลกากงโลก
- มีซังฮักฮ่วมฮ้อม ดีฮ้ายมายใส่กัน
- เป็นอันสนละวนเกี้ยว เคลือเดียวดังเดียว
- เกี้ยวก่ายพันธนังน้าว เวรเข้าฮ่วมซอน
- มาถึงตอนบ่อนข้อ จ้อม่อพอควร
- สิด่วนว่าความนิทาน เหตุมันมีแจ้ง
- สองบาทท้าว กับนางงามน้อยอ่อน
- บุพกรรมนำซอน ฮอดบ่อนสิได้ม้าง
- ทางหมู่เจ้า ให้คอยฟัง เอาเด้อ
- ตั้งแต่คราวนั้น
- งานบุญบั้งไฟ อ้ายคึดนำแต่เจ้า
- อยากได้เด้ อยากเอา
- มาเป็นคู่ซอนนอนเสื่อ
- คนิงนำเช้าค่ำ
- อยากพ้อหน้าก้อนคำเบิ่งอีกจักเทือ
- ฮำฮีฮำฮอนนำแม่บุญเหลือ
- พ้ออีกจักเทื่อ ตายอ้ายบ่ว่า
- จังเตรียมเอาได้
- พลแพนแห่แหนพร้อมพร่ำ
- ว่าแล้วร่ายมนต์ดำ
- แปลงกายนาคน้ำ เป็นกระฮอกดอน
- แขวนกะดิ่งคำ สิไปจอบก้อนคำ
- เจ้าผู้ขนตางอน
- เสียงกะดิ่งคำดังนำลมว้อนวอน
- น้องสิสะออน นำอ้ายบ่หนา
- นางนาฏหล่า นางนาฏหล่า
- ยินกระดิ่งดังม่วน
- ไอ่คำหลิง หมู่กระฮอก ไต่เต้นต่างสี
- มีหนึ่งนั้น สีเสวตขาวงาม
- ก็จึงความอยากเอา แนบเนาเลียนซ้อน
- ไล่ตีต้อน ตีต้อน จับบ่ได้จักเทือ
- แนวมันเฟื้อง่าไม้ ไต่เต้นเติ่นหนี
- ลองบาดนี้ ลองบาดนี้
- สิน้าวเหนี่ยวธนูศร
- ยิงให้มันตายตก บ่เหลือคีงคาค้าง
- นางงามง้าง
- นาง งามง้าง แนมศรมองส่อง
- นาง งามง้าง แนมศรมองส่อง
- เป็นเทือเวรกรรมต้อง จ่องให้ม่ายกัน
- เฝ้าฝัน ฮอดเจ้า
- นับแต่เฮาพ้อหน้า
- ย่อนคนิงหา
- อ้ายจังแปลงมาเป็นกระฮอกดอน
- จอบซอมนำเงาไม้
- ย้อนคึดอยากอยู่ใกล้ เจ้าผู้ขนตางอน
- บาดตอนสุดท้าย อ้ายตายย่อนศร
- ไอ่คำงามงอน ย่อนหยังบอกแน่
- แมนบ่ฮักฮ่วมอ้าย
- กะบ่ได้ว่า แก้วตาคนไค
- เป็นหยังจั่งมาเฮดใส่
- เอาศรยิงผ่าใจให้อ้ายชอกช้ำ
- ได้แต่โสกีไห้
- สายสมรน้องบ่หลิงหล่ำ
- บ่ฮักบ่ว่า กะเป็นหยังซางทำ
- บ่เคยคึดนำ ปานนั้น สั่นบ่
- ขอแต่ฟ้า แต่ฟ้า
- ข้าสิวอนๆว่า
- ขอให้กายผู้ข้า ปันได้ล้านโกฏกือ
- ให้ลือล้น คนส่าลือซา
- ให้หลั่งเวียนมาขน แก่วนเวียนฮ้อม
- ให้หอมเฮ้า ชวนลองชิมเบิ่ง
- คนเทิงทีปเหนือได้ หยายได้คู่กัน
- แล้วเทือนั้น สิว่าสาธุสา
- แมนไผกิน ให้มันมายเพพังบ่เว้น
- ธรณีปิ้น ให้ดินแหงเป็นหลวงหล่ม
- ให้มันสมสาเซี่ย คนได้ล่วงทำ
- เทือนั้น
- ฝูงนาคดัน พื้นทะเลใหญ่หนองหลวง
- เทิงบาดาล นาคคำภายใต้
- เฮือนซานเล้า พังทลายมุดมอด
- ในข่วงคุ้ม เวียงกว้าง หล่มหลวง
- อันว่าผาสารทเจ้า จอมเอก พญาขอม
- เวียงวังหลวง มุ่นเพพังม้วน
- ปวงชาวบ้าน เฮือนซานจมจอด
- หล่มมาฮอด ปาสาทกว้าง นางไท้ไอ่คำ
- นาคได้ทำดันพื้น ภายลุมเป็นหลุม
- ฟังเสียงเค็งเค็งดัง หวั่นไหว สะเทือนฟ้า
- ธรณีหล่ม คือเสียง ฟ้าลั่น
- ดินแตกม้าง เป็นส่างใหญ่หลวง แท้แหล้ว
評論 20
ขอบคุณมากๆครับ
ฟ้าวเชาไวๆเด้อครับ💞💞💞😘😘😘😘💘💘💘💘
ขอบคุณหลายๆครับ
ขอบคุณหลายๆครับ🌹🌹🌹🌹😘😘😘😘😘
ขอบคุณหลายๆครับ🌹🌹🌹🌹
ชอบเสียงนี้จัง
ขอบคุณมากๆครับ
ชอบมากอะเสียงจับใจมากเลย
ขอบคุณมากๆครับ
เพราะมากๆเลย