Iliw
Iti malem nu lumneken diay init
- Iti malem nu lumneken diay init
- Iti nagsabatan ti taaw ken langit
- Nangayed a buya ti maimatangak
- Nga isut' mangiparikna iti panagmaymaysa
- Ket ti lawag nu rurusenen ti sipnget
- Dumteng ton ti sardam agari ti ulimek
- Agkarayam ti lamiis
- Ket lumtaw dayta ladawam
- Kasla adda ka'd toy sibayko
- A paglalailuak
- Naglawa ket ngaminen nagbaetan ta a taaw
- Nalaklaka la koma nga umayka sarungkaran
- Surat wennu retrato di dan to makaanay
- Nga innak pangipapasan
- Toy iliwko nalaus unay
- Iti rabii sakbay nga innak maturog
- Alaek ta ladawam iparabawko toy pusok
- Makita ka la koma uray nu darepdep laeng
- Mabang-aranen toy rikna
- Ma ep-ep met toy iliw
- Iti bigbigat nu sumingising diay init
- Iti nagsabatan ti daga ken langit
- Nu bumangonakon sikan ti malaglagipko
- Kasarsaritak ta ladawam
- Kasano ka itan biagko
- Naglawa ket ngaminen nagbaetan ta a taaw
- Nalaklaka la koma nga umayka sarungkaran
- Surat wennu retrato di dan to makaanay
- Nga innak pangipapasan
- Toy iliwko nalaus unay
ความเห็น 2
Oh,my god!!! 🌷🌹😎
❤️😍You are so inspiring. I really like it