ลำล่องฝนพรำคิดนำอ้าย
คิมหันต์ตาอากาศฮ้อน ใบไม้อ่อนขจีเขียว
- คิมหันต์ตาอากาศฮ้อน ใบไม้อ่อนขจีเขียว
- หัวลมเทียวทางบนอ่อนโอนลงใต้
- ขี้ฝ้าไฟลโฮมท้อน อีกานอน อยู่ใต้ง่า
- เฟืองไฟเหลืองเต็มป่า มวลมัจฉาตื่นน้ำ ยามสิเข้าล่วงฤดู
- อึ้งบักยางเอิ้นชู้ จับคู่สิลงหนอง
- น้ำในคลองพ่วมไหล ไล่ลงโฮมท้อน
- แต่ว่าทางโตข่อย นอนหลับตาบ่เต็มหน่วย
- พอปานกับคนป่วย กินข้าวปลาลงบ่ได้ คิดถึงอ้ายผู้ห่างเหิน
- แต่อ้ายไปจากบ้าน กะเป็นต่างมาหลายเดือน
- บ่กลับมาคืนมาเฮือน บ่ข่าวถามดอกพอน้อย
- น้องยังคอย หลูโตนบ้าง เหลียวแนมทาง หมู่เขาโห่
- สาวชาวนาได้จั่งโจ่ อ้ายบ่โงต่าวบ้าน มายามเยี่ยมให้อุ่นใจ
- โทร.มาหาแน่เถาะอ้าย เพียงถามไถ่อย่าใจดำ
- ยามฝนรินพรำ พรำ บ่คดถึงบ้อทางบ้าน
- สาวอีสานผู้เคยเว้า อยู่ใต้ห่มกกกระเดา อ้ายยังเว่าว่าบ่เปลี่ยน
- เวลาผ่านไปหลายเดือน ทางเมือเฮือนจื่อบ่ได้ซั่นบ้ออ้าย จั่งบ่มา
- หรือไปหลงแนมแต่หน้า ผู้สาวส่าในเมืองกรุง
- นุ่งผ้าถุงเดินคันนาบ่ห่วงหา ซั่นบ้ออ้าย
- คำเคยหมาว่าจองไว้ ถ่าอ้ายเด้ออย่าหลายใจ
- บัดเงินพร้อมสิขอแต่ง ยกให้น้องในตำแหน่ง
- แฟนคนเดียวเคยเกี่ยวก้อย คำหวานจ้อยก่อนสิลา
- ได้ไปเดิน ไฟส่องหน้า หรือลืมป่าเคยหาเห็ด
- ฮอดยามฝนนั้นลงเม็ด ว่าสิคืนบ่มาจ้อย
- น้องคนคอยกะจนหล้า นอนหลับตา คิดฮอดพี่
- อ้ายคนไกล คือมิดมี่ หรือไปมีผู้ใหม่จ้อย
- ให้คอยเก้อ อยู่ท่งนา เออ เอย ซั่นบ้ออ้าย
ความเห็น 8
ขอบคุณจร้า ที่บ่ให่ ผิดหวัง ลำล่อง ของเวียง กะทำนองขอนแก่นล่ะจ้า ม่วนๆๆๆจ้า
บ่ถิ่มลาย อีหลีเน๊าะ นางเอก กะคือนางเอกบ่ว่าอดีต ปัจจุบัน เครๆจร้า
ขอบคุณค่ะ
😄😜😜😜😘😎😆😎
💯 👩🎤
ม่วนๆๆคับ เสียงนางเอกมาเต็ม สุดยอด
หนูเวียง เสียดายเนาะกาลเวลามันผ่านไปเร็ว คะซั้นกะซันบ่ามีนักร้องระดับแนวหน้าแท้ๆ ม่วนๆ
เสียงแหบ
เสน่ห์
น้องเอื้อย หนิ๊ ม่วนกันคนล่ะแบบ
