Provincial Jail
Masubo matuod ang dili angayan
- Masubo matuod ang dili angayan
- Provincial jail ang amon guinsudlan
- Pader nagalibot sa kilid magtimbang
- Rehas nga salsalon ang amon pwertahan
- Ang guintunaan sang amon pagpreso
- May ara pamuno pamatay sang tawo
- May ara holdaper kawatan sa bangko
- May ara nga smuggler kontra sa gobyerno
- Alas siete sang aga kami ang mamahaw
- Isa ka pandesal taho nga malus-aw
- Ang luha sa amon mata nagakalaw-kalaw
- Bangod sadtong taho sarang mapanghinaw
- Alas onse impunto kami ang mapila
- Makadto sa kitchen makuha panyaga
- Bugas nga NGA wala mapilii
- Bangod sang kitchen boy matamad magkuti
- Ang amon nga utan ginulot nga langka
- Tinuktok nga tangkong bisan asin wala
- Samtang nagakaon gatulo ang luha
- Daw ano kasubo kun imo makita
- Sabado Domingo kami wala ubra
- Kami nagahulat sang amon bisita
- Maayo lang iya ang may mga asawa
- Kay may nagadul-ong sang pagkaon nila
- Kami amun iya nga mga soltero
- Nagasulusandig sa pader nga bato
- Mag-abot na gani ang amon amigo
- Dayon kulukadlaw pepsi sigarilyo
- Lunes pagka-aga kami ang bistahon
- Sa kasa gobyerno ang amun padulong
- Mag abot na gani ang senyor taghukom
- Dayon tililindog pati tumalambong
- Ang makaluluoy kami nga ultimo
- Naga hilibi-on walay abogado
- Maayo lang iya ang may isa ka libo
- Yara ang abogado matabang sa imo
- Sang mabasahan na ang amon sentensya
- Diyes Diyes y siete cadena perpetua
- Daw ano kasubo tulukon sang mata
- Daw ano kapait sang amon sentensya
- Sang natapos na ang amon asunto
- Kami ang nanaog sa kasa gobyerno
- Sarado sang posas ang wala kag tuo
- Daw ano kasubo kung makita ninyo
- Samtang nagalakat sa tunga sang dalan
- Ang gwardya naga ubay sa kilid magtimbang
- Kaming mapa-uli sa amon puluy-an
- Karsil nga mapi-ot amon pagasudlan
- Oh mga amigo nga yara sa guwa
- Indi guid maghiomo sang mortal nga sala
- Kami amo ni iya nga yari sa kuta
- Madugay nga tinuig wala makaguwa
- Madugay nga tinuig wala makaguwa
Let's listen to my solo!
12 1 3944
2022-4-28 22:14 vivo 1906
Comments 1
So gorgeous