น้อยไจยา
ปวง ดอกไม้ เบ่งบานสลอน
- ปวง ดอกไม้ เบ่งบานสลอน
- ฝูงภมร ภู่ผึ้งสอดไซร้
- ดอกพิกุลของเปิ้นต้นใต้
- ลมปัดไม้มาสู่บ้านตู๋
- ฮู้แน่ซัดเข้าสอดสองหู
- ว่าสีจมปู ถูกป้อมเก๊าเนิ้ง
- เก๊ามันต๋าย ป๋ายมันเซิ่ง
- ลำกิ่งเนิ้ง ต๋ายโก่นตวยแนว
- ดอกพิกุล ก่คือดอกแก้ว
- ไปเป๋นหองเปิ้น แล้ว เหนอ
- แปม เก๊าเนิ้ง กิ่งมันบ่ถอน
- บ่ไหวคลอนเฟือนเตี่ยงมันแต้เล่า
- ต๋ามกำลม เปิ้นปัดออกเข้า
- มีแต่เก๊า ไหวหวั่นคลอนเฟือน
- กิ่งมันแต้ บ่แซสะเหลือน
- บ่เหมือนลมเจย
- ลำเพย ก่จะนั้น
- ใจ๋คำญิง นี้หนิมเตี่ยงมั่น
- บ่เป๋นหองเปิ้น คนใด
- ยังเป๋นกระจก แว่นแก้วเงาใส
- บ่ไหวคลอนเงี่ยง จาย เหนอ
- ตั๋ว ปี้น้อยจักขอถาม
- ต๋าม กำลมเปิ้นมาเล่าอู้
- ว่านายมีจู้ อยู่บ้านวังสิงห์คำ
- ฝ่ายตางปู้นเปิ้นมาใส่ผะจ๋ำ
- บ้านวังสิงห์คำ เปิ้นมาหมั้นก่ไว้แล้ว
- ตางฝ่ายปั๋นตั๋ว น้องนางแว่นแก้ว
- ก่ตกลงแล้ว บ่ไจ่กาหา
- เปิ้นจะกินแขก แต่งก๋านก่วิวาห์
- เมื่อใดจา ปี้น้อยไคร่ฮู้เก้า
- ส่วนไจยาบ่สมเปิงเจ้า
- เพราะเขียมเข้าของ เงินทอง
- ฝ่ายตางนาย บ่หมายเกี่ยวข้อง
- มาละหมองต่ำ ก้อย เหนอ
- ตั๋ว น้องนี้บ่ลาไหลหลง
- ก๋านตกลงก่ยังบ่แล้ว
- จึงเจิญตั๋วปี้มาห้วยแก้ว
- เพราะใคร่ฮู้กำฟู่กำจ๋า
- จึงเจิญน้อย ปี้มาเปิกษา
- จะว่าใดจา ตั๋วน้องก่ไคร่ฮู้
- ก๋านตี้มาฟู่อู้
- จะเอาเป็นจู้กาว่าเอาเป๋นเมีย
- หรือจักลบล้างลืมลายหน่ายเสีย
- บ่เอาเป๋นเมีย
- หรือจักทิ้ง เสียแล้ว
- หรือเอาเป๋น เมียนางจ้างแก้ว
- อยู่เป๋นกู้ ข้างเตียมคิง
- ขอบอกนายหื้อแน่ใจ๋จริง
- บ่อำพรางนาถ น้อง เหนอ
- บ่จุ๊หรอกน้อง หื้อหม่นหมองหมาง
- บ่ล่อลวงพรางแม่นางฮ้างแค้ว
- ปี้หมายเอาเป๋นเมียนางจ้างแก้ว
- บ่หื้อคลาดแคล้วเรื่องกำสีเนห์
- หลอนแก้วน้องใจยังบ่เหว
- เตี่ยงสมคะเน เหมือนปี้กึ๊ดเล่า
- หลอนปี้จุ๊ก็ยังล่ายเจ้า
- ขอหื้อฟ้าผ่าหัวแม่เมียตาย
- ลูกแม่ญิง อู้เล่นก่บ่ดาย
- ลูกป้อจาย อู้แต้ก่บ่ปัง
- หลอนนายต๋ายไปเป๋นไก่ตั้ง
- ปี้น้อยจักต๋ายเป็นพื้น
- ฟู่บ่ถูก วันฟูกก่บ่ขืน
- ฟู่ม่าคืนตึงบ่ขืนเมื่อจ้าว
- ก๋านฮักกั๋นหองข้าตึงเจ้า
- เผียบเหมือนเหล้า กับปาง
- ปากกำไดปี้ก็ตึงอ้าง
- บ่ไจ่จางจาก น้อง เหนอ
- หลอน ว่าแต้เหมือนดั่งกำจา
- น้องขอสัญญากับตั๋วปี้น้อย
- บ่ขอฮักไผ ซักเต้ากึ่งก้อย
- ขอฮักปี้น้อย ไจยานี้ก่คนเดียว
- คนอื่นนับร้อยตึงบ่แลบ่เหลียว
- จะขอฮักเดียวจายเดียวก่เต้านี้
- หลอนว่าน้องจุ๊หรือสัปปะรี้
- ขอหื้อฟ้าผ่าหัวพ่อผัวต๋าย
- ลูกแม่ญิงบ่ไจ่ว่าบ่ดาย
- ลูกป้อจายขี้จุ๊ก่แต้ๆ
- กิ๋นก่ยังตึงแก้ สะเรียมยำใส่แย้
- บะเขือแจ้ยำใส่เตา
- หลอนปี้น้อยไจยาฮักแต้ข้าเจ้า
- ก็ยินดีจิ่ม แต้ เหนอ
ไขฮ้องได้เรียนเชิญเน้อจ้าวมาฮ้องตวยกั๋นเจ้า
52 11 1382
2022-12-11 10:11 OPPOCPH1931
ความเห็น 11
ขอบคุณเจ้าที่แวะมาฟังเพลงเน้อเจ้าปิ๊กมาฟังแห่มรอบฉบับเต็มนะเจ้า ❤️🤟🥀🌿❤️🤟🥀🌿❤️🤟🥀🌿❤️🤟
💗💗💗❤️💛 Hey!!! ชอบเลยเพลงนี้จร้า 💗 💛
ขอบคุณเจ้าที่แวะมาฟังเพลงเน้อเจ้า ทำแบบฉบับเต็มไว้แล้วนะเจ้า ❤️🤟🥀🌿❤️🤟🥀🌿❤️🤟🥀🌿❤️🤟🥀
ตอบกลับเกรียงไกร แบงค์ ขวัญจิตร์ 🙏ขอบคุณเน้อเจ้าที่แวะมาฟังเพลงและส่งดอกไม้เป็นกำลังใจ ❤️🤟🥀🙏🌹🌿🤟🥀🌹🌿🤟🥀🌹🌿🤟🥀
ร้องเพลงเพราะแท้ๆเน้อเจ้า
💗 ชอบดีต่อใจค่ะ ❤
ขอบคุณค่ะที่แวะมาฟังเพลงและทักทายกันนะคะมาร่วมสนุกกับเราได้นะคะ ❤️🤟🌿🥀❤️🤟🌿🥀❤️🤟🌿🥀❤️🤟🌿🥀
ขอบคุณค่ะที่แวะมาฟังเพลงและทักทายกันนะคะ ❤️🤟🌿🥀❤️🤟🌿🥀❤️🤟🌿🥀❤️🤟🌿🥀
อยากร้องเพลงด้วยจัง
มาค่ะมาร้องด้วยกันเลยค่ะชอบเพลงอะไรเลียกเลยนะคะ ขอบคุณนะคะที่แวะมาฟังเพลง ❤️🥀🌿🤟❤️🥀🌿🤟❤️🥀🌿🤟❤️🥀🌿