สัญญาปลาข่อน
ลมพัดข้าวดอ หัวใจอ้ายรอฟังข่าว
- ลมพัดข้าวดอ หัวใจอ้ายรอฟังข่าว
- คึดฮอดผู้สาที่เคยเว้ากันปีก่อน
- ว่าสิคืนนาทุกคราเมื่อยามปลาข่อน
- แต่พอเจ้าจร ปลาข่อนบ่เห็น คำแพง
- บัดนี้ บัดนี้
- อ้ายอยากขอกล่าวก้ำ ทวนความจำจั๊กกะหน่อย
- ฝากผู้สาวส่ำน้อย ผู้หายจ้อยตั้งแต่นาน
- ตั้งแต่คราวอยู่บ้าน เว้าคำหวานกับอ้ายบ่าว
- ยามหัวลมพัดจ้าว กลางฮวงข้าวก่องสลอน
- น้ำแจนาปลาข่อน ปลาซิวซอนดิ้นด่องๆเอา
- สวิงค่อยซ้อนมาหมกพร้อมอีตู่นา
- จ้ำหมกปลาสัญญาน้องว่า เฮาสองสิมั่นแก่น
- ฮักเป็นแฟนก่อไว้ มื้อใด๋พร้อมจั่งแต่งกัน
- พอหลังจากมื้อนั้น เฮากะห่างน้อกันไป
- เหลือแต่สัญญาใจที่แซในหัวใจซื่อ
- บัดหลายเดือนหลายมื้อ ฟังเขาลือน้องเป็นต่าง
- สังคมเมืองเปลี่ยนร่าง ใจเคยตั้งกะเปลี่ยนตาม
- เสริมความงามตามแฟชั่น
- ตาหวานๆแอวกิ่วๆ
- จมูกเสริมเติมแต่งคิ้ว มือสิบนิ้วเจ้าใส่แหวน
- นั่งเคียงเสี่ยยิ้มแป้น ในเก๋งแวนติดฟิล์มดำ
- เคยสัญญาแสนคำ เจ้าบ่จำ เบิดคุณค่า
- เขาพาเที่ยวคาราโอเกะ
- ลืมเถียงนาเซที่เฮาเคยเว้าวอน
- ลมหนาวมาน้ำขอดนาปลาข่อน
- เพลินแสงนีออนบ่ฮำฮอนฮักเฮา
- อ้ายนั่งเหงาบนคันแทนากิ่ว
- มองเห็นปลาซิวดิ้นแด่วๆแดดเผา
- ดั่งสัญญาอ้ายโดนฆ่าด้วยความเหงา
- เพราะถูกผู้สาว แฟนเก่าเพินตัดรอน
- วอนสายลมทวงสัญญาปลาข่อน
- เบื่อแสงนีออนฟ่าวกลับคอนเด้อนาง
- เบื่อแสงนีออนฟ่าวกลับคอนเด้อนาง
มาฟังเพลงคู่ของเราดีกว่า!
28 6 705
2024-11-22 23:16 OPPOCPH2603
ความเห็น 6
ไพเราะมากๆครับ🤗 แวะมาไลค์เป็นกำลังใจให้กันครับ🌻
ไพเราะเพราะพริ้งเลยครับ
สวัสดีค่ะพี่สาวขอบคุณนะค่ะแวะมาส่งกำลังใจให้🎼🎼🎼🎼💫💫💫🌹🌹🌹🌹♥️♥️♥️
สวัสดีค่ะขอบคุณนะค่ะแวะมาทักทายและคำชม♥️♥️🌹🌹🌹👃👃🎼🎼🎼💫💫💫💫💫
เชิ้ปๆๆๆๆยาวไปหล่ายาวไป สุดยอดอีกเพลงหล่า ตอบรับช้าอย่าว่ากันเด้อหล่า อ้ายกะบ่ค่อยมีเวลา มว่นจ้าน้องสาว
😍