บุญข้าวสาก
อนิจจังสังขารสิ้น
- อนิจจังสังขารสิ้น
- เหลือแต่ดวงวิญญาณ
- ได้ลอยล่องยังหมองขุ่น
- ตอนเป็นคนยังว้าวุ่น
- บุญบ่ทำเฮ็ดไว้
- วิญญาณได้แม่นล่องลอย
- ได้แต่รอคอยถ้า
- เวลากาลที่หมุนเปลี่ยน
- เดือนสิบเพ็งนั่นแหละเจ้า
- วันที่เฝ้าว่ายุคอย
- บางคนถือกะต่าน้อย
- มาคอยยุแต่ตีสาม
- ยามเมื่อเดือนสิบเพ็ง
- เพิ่นปล่อยคืนมาบ้าน
- เดินสวนกันพันย้าย
- พากันไปเอาข้าวสาก
- เป็นของฝากผู้อยู่บ้าน
- ทานให้ผู้ตาย
- ผู้ได้หลายจนพายเนิ่ง
- เทิงแนวกินกะเต็มต่า
- ลูกเพิ่นห่วงมารดา
- พากันมาจนว่าล้น
- อารามกว้างจนอั่งออก
- ส่างใจดำกะด้อ
- เป็นหยังน้อ
- บ่มาส่อง
- มองไปไสกะบ่พ้อ
- รอแล้วกะเปล่าดาย
- ผู้เพิ่นได้กะโค้งกล่าวคืนกลับ
- ลูกของโตช่างหายลับ
- แม่นบ่มาให้เห็นจ้อย
- แม่มาคอยจนหิวข้าว
- เห็นเขากินน้ำลายเหี่ย
- ขอเขากินกะบ่ได้
- มารดาไท้นั่งเบิ่งเขา
- ลูกคำเอย
- ขั่นสงสารแม่เจ้า
- ให้เข้าวัดแหน่เด้อคำ
- ยามวันศีลวันพระ
- ให้ส่งเพลจังหันบ้าง
- เหลียวนำทางบ่เห็นเจ้า
- หวังมาเอาคือเพิ่น
- ฟังเสียงลูกเพิ่นเอิ้น
- มาเอาแหม่อิแม่เอ้ย
- โอ้แม่จ๋าแม่จากไป
- อาลัยแม่
- ความรักแท้แม่มีให้
- ไม่เสื่อมสูญ
- แม่จากไปลูกนี้
- ไม่ลืมคุณ
- อย่าว้าวุ่นพระคุณแม่
- ชั่วนิรันดร์
- คือจั่งเขานั่นเว้าเย้ย
- น้ำตาหลั่งรินตก
- หัวอกของมารดา
- ว่าสิมาน้อเห็นเจ้า
- หมู่เขาเอาของต้อน
- คืนเมือน้ำตาหลั่ง
- เป็นหยังน้อลูกแม่เอ๊ย
- คือจั่งเฉยอยู่นิ่ง
- ตัวเจ้าแม่นบ่มา
- แม่มาคองคอยถ้า
- เหมิดเวลาสิโค้งตาว
- มาเอาหยังกะบ่ได้
- มีแต่ไห้
- ได้อวยคืน
- ลูกแม่เอ
หัดลำ บุญข้าวสาก
44 6 4698
2022-5-17 11:40 iPhone 12 Pro Max
评论 6
ม่วนหลายค่ะ
ร้องบ่ทันถืกยุจ้าพี่มร😅
ม่วนหลายๆครับม่วนอิหลีสุดยอด
ดอกไม้หมดสวนเหลือแค่นี้ละครับ
ขอบคุณที่แวะมาให้กำลังใจจ้า 😊
ยินดีครับ
