พบรักวันแห่เทียน
ล่ะตาสบตาประสานจ้อง
- ล่ะตาสบตาประสานจ้อง
- อ้ายยืนจึ้งแลมองเบิ่งทางน้องผู้น่าฮัก
- เว้าจากใจคักคัก อ้ายหลงฮักแต่แรกพ้อ
- แค่เห็นหน้ากะว่าหลง หลายฮอยโค้งพันโค้ง
- บ่เคยจ่องใจสาวใด บัดพ้อหน้าคนไค
- โอ้ยหัวใจ เปลี่ยนลายจ้อย
- สองเราได้มาพบกัน เนื่องในงานแห่เทียนเมืองอุบล
- ฉากรักสองเราเริ่มต้น เมื่อคนสองคน ส่งใจประสานใจ
- ท่าทีเจ้าทำเขินอาย ถ้อยคำทักทายแค่ได้ฟังก็รู้
- สำเนียงเสียงหวานผ่านหู อ้ายก็พอฮู้ว่าเจ้าเป็นสาวภูไท
- มาเที่ยวงานบ้อหล่า ตาสบตาสื่อภาษาใจ
- อ้ายจึงอาสาเป็นไกด์ พาเจ้าเที่ยวงานเที่ยวเมืองอุบล
- ปานหลุดพ้น จากลมความเหงาพัดซูนใจไหวหวั่น
- ปานหลุดพ้น จากลมความเหงาพัดซูนใจไหวหวั่น
- ย่างเลาะงาน พาเบิ่งนั่นนี้ ของดีแท้แนะนำ
- หัวยุ่มย้ามบัดยามเพิ่นพอใจ ถามอันใดกะตอบไวปานหยัง
- จังคำถามหลายแท้ บอกน้องแน
- เมืองอุบลบ้านอ้ายมีหม่องใดขึ้นชื่อ
- คือสำเนียงเสียงเว้าของเจ้าว่ามา
- เลยขันอาสาพาเจ้าไปซุหม่อง เฮียงกันลองซอง
- เบิ่งแม่น้ำสองสี สายใยแห่งรัก เริ่มขันเกลียวผูกมิตรไมตรี
- หลอยสาบานแม่น้ำสองสี ให้เฮาได้เป็นคู่กัน
- ผาแต้มตำนาน หลักฐานประวัติศาสตร์
- ภาพเขียนบอกเล่าชนชาติ คนรุ่นใหม่ได้กล่าวขาน
- แก่งสะพือ ขึ้นชื่อมานาน
- หาดคูเดื่อคือกัน นั่งกินอาหารพักผ่อนหย่อนใจ
- สุขที่ได้ พาใจสองเฮามาเว้ากันหวานคัก
- สุขที่ได้ พาใจสองเฮามาเว้ากันหวานคัก
- จนสะมัก บาดยามตักกุ้งเต้น เห็นทางเจ้าเหนียมอาย
- กว่าสิได้กินแต่ละคำ หน้างามงาม
- บาดยามเขินอายคือเป็นตาฮักแท้
- อยากพาแว ไปให้แม่เบิ่งหน้า แล้วบอกแม่ว่า ว่าที่ใภ้แม่
- กะได้แต่อดกลั้น ความคิดไว้หว่างใจ
- ของฝากบ่หลาย แต่มอบจากใจฮู้บ่
- เหมาร้านหมูยอ ของฝากขึ้นชื่อเมืองอุบล
- นี้เด้อน้องหล่า แทนคำสัญญาของเฮาสองคน
- เผื่อความฮักส่งผล ให้เฮาสองคนได้มาฮักกัน
- จบงานลากันฝันค้าง จบงานลากันฝันค้าง
- ความหวังสิเข้าทางแน่บ่ สาธุเด้อให้สายแนนจ่องจ้อ
- งอโค้งเข้าใส่กัน
- ปีหน้าฮอตงานแห่เทียนเข้ามาพ้อ อ้ายสิเฝ้ารอด้วยหัวใจมั่น
- ผูกสองใจให้ฮักกัน อย่ามายม้าง
จั่งไดกะอย่าลืมมาแว มายามทางอุบลบ้านอ้ายอีกแหน่เด้อ😅🏜😜😜
72 0 1
2020-7-5 02:22 iPad mini 3
Bình luận 0