น้อยไจยา
ปวงดอกไม้เบ่งบานสลอน
- ปวงดอกไม้เบ่งบานสลอน
- ฝูงภมรภู่เผิ้งสอดไซร้
- ดอกพิกุลของเปิ้นต้นใต้
- ลมปั๊ดไม้มาสู่บ้านตู๋
- ฮู้แน่ซัดเข้าสอดสองหู
- ว่าสีจ๊มปูถูกป้อมเก๊าเนิ้ง
- เก๊ามันต๋ายป๋ายมันเซิง
- ลำกิ่งเนิ้งต๋ายโก้นตวยแนว
- ดอกพิกุลก่คือดอกแก้ว
- ไปเป๋นหองเปิ้นแล้วเหนอ
- แต๋มเก๊าเนิ้งกิ่งมันบ่ถอน
- บ่ไหวคลอนเฟือนเตี้ยงมั่นแต้เล่า
- ต๋ามก๊ำลมเปิ้นปั๊ดออกเข้า
- มีแต่เก๊าไหวหวั่นคลอนเฟือน
- กิ่งมันแต้บ่แซสะเหลือน
- บ่เหมือนลมเจยรำเพยก่จะนั้น
- ใจ๋คำญิงนี้หนิมเตี้ยงมั่น
- บ่เป๋นหองเปิ้น
- คนใดยังเป๋นกระจกแว่นแก้วเงาใส
- บ่ไหวคลอนเหงี่ยงจ้ายเหนอ
- ตั๋วปี้น้อยจักขอถาม
- ต๋ามกำลมเปิ้นมาเล่าอู้
- ว่านายมีจู๊บ้านวังสิงห์คำ
- ฝ่ายตางปู๊นเปิ้นมาใส่ผะจ๋ำ
- บ้านวังสิงห์คำเปิ้นมาหมั้นก่ไว้แล้ว
- ตางฝ่ายปั้นตั๋วน้องนางแว่นแก้ว
- ก่ตกลงแล้วบ่ไจ้กาหา
- เปิ้นจะกิ๋นแขกแต่งก๋านก่วิวาห์
- เมื่อใดจาปี้น้อยไข้ฮู้เก๊า
- ส่วนใจยาบ่สมเปิ้งเจ้า
- เพราะเขียมเข้าของ
- เงินทองฝ่ายตางนายบ่หมายเกี่ยวข้อง
- มาละหมองต่ำต้อยเหนอ
- ตั๋วน้องนี้บ่ล้าไหลหลง
- ก๋านอตกลงก่ยังบ่แล้ว
- จึงเจิญตั๋วปี้มาห้วยแก้ว
- เพราะไข้ฮู้กำฟู่กำจ๋า
- จึ่งเจิญน้อยปี้มาเปิกษา
- จะว่าใดจาตั๋วน้องก่ไข้ฮู้
- ก๋านตี้มาฟู่อู้จะเอาเป๋นจู๊
- กาว่าเอาเป๋นเมีย
- หรือจักลบล้างลืมลายหน่ายเสีย
- บ่เอาเป๋นเมียหรือจักทิ้งเสียแล้ว
- หรือเอาเป๋นเมียนางจ๊างแก้ว
- อยู่เป๋นกู้ข้าง
- เตียมคิงขอบอกนายหื้อแน่ใจ๋จริง
- บ่อำพรางนาถน้องเหนอ
- บ่จุ๊หลอกน้องหื้อหม่นหมองหมาง
- บ่ล่อลวงพรางแม่นางฮ้างแคว
- ปี้หมายเอาเป๋นเมียนางจ้างแก้ว
- บ่หื้อคลาดแคล้วเรื่องกำสีเนห์
- หลอนแก้วน้องใจ๋ยังบ่เหว
- เตี้ยงสมคะเนเหมือนปี้กึ๊ดเล่า
- หลอนปี้จุ๊ก่ยังล่ายเจ้า
- ขอหื้อฟ้าผ่าหัวแม่เมียต๋าย
- ลูกแม่ญิงอู้เล่นก่บ่ดาย
- ลูกป้อจายอู้แต้ก่บ่ฟัง
- หลอนนายต๋ายไปเป๋นไก่ตั้ง
- ปี้น้อยจักต๋าย
- เป๋นพืนฟู่บ่ถูกวันพูกก่บ่ขืน
- ฟู่มะคืนตึงบ่ขืนเมื่อเจ๊า
- ก๋านฮักกั๋นหองข้าตึงเจ้า
- เผียบเหมือนเหล้า
- กับปางปากกำไดปี้ก็ตึงอ้าง
- บ่ใจ้จ๋างจากน้องเหนอ
- หลอนว่าแต้เหมือนดังกำจ๋า
- น้องขอสัญญากับตั๋วปี้น้อย
- บ่ขอฮักไผซักเต้าเกิ่งก้อย
- ขอฮักปี้น้อยใจยานี้ก่คนเดียว
- คนอื่นนับร้อยตึงบ่แลบ่เหลว
- จะขอฮักเดียวจายเดียวก่เต้านี้
- หลอนว่าน้องจุ๊หรือสัปปะหลี้
- ขอหื้อฟ้าผ่าหัวป้อผัวต๋าย
- ลูกแม่หญิงบ่ไจ้ว่าบ่ดาย
- ลูกป้อจากขี้จุ๊ก่แต้ๆ
- กิ๋นก่ยังตึ้งแก้สะเรียมยำใส่แย้
- บะเขือแจ้ยำใส่เตา
- ก่อนปี้น้อยใจ๋ยาฮักแต้ข้าเจ้า
- ก็ยินดีจิ่มแต้เหน
ความเห็น 5
มาฟังเพลงล้านนากันดีกว่า ม่วนแต้ครับผมยิ้นดีครับผม🌿🌿🌿🍎🍎🍎🌹🌹🌹🌹🌹🌹🌹🎵🎵🎵😊
ขอบคุณมากๆค่ะพี่ ขิมชอบแนวนี้โฟล์กซองล้านนา มากๆค่ะ
ดีผมมีดนตรีบรรเลงด้วยลองดูนะ
ร้องได้ดีคับ หลงรักเสียงเลยคับ 🎻 🍭🍭🍭🍭🍭👩🎤
ฟังหลายรอบมาก